Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Янка Журба - Усход сонца

Кнопка отправить на печать

Ужо золак заззяў,
Святло льецца ў прастор.
I ачнуўся ад сну –
Ціха шэпчацца бор.

Як кудзеля, туман
Яшчэ вісне ў палях,
I струменіць-плыве
Ад лугоў свежы пах.

Загарэўся агнём
Край усходні нябёс,
I ляцяць на зямлю
Іскры сонечных кос.

I здаецца – ўвесь свет
Яркім сонцам сагрэт.
Сонцу рада зямля –
Шле усмешку-прывет.

Прашумеў вецярок
Па кустах лазняка –
I іскрыцца-гарыць
Залатая рака.

А ўгары – небасхіл
Хараством зіхаціць...
Сонцу яснаму гімн
Безупынна гучыць.

Комментарии (0)

Нет комментариев. Ваш будет первым!