Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Янка Журба - Сярод прыроды

Кнопка отправить на печать

З песняй, дзеці, сёння ў поле, –

Гэй, цвярдзей, наш крок!

Сабіраць гербарый школе

Пойдзе наш гурток.

Вось і поле... Мы ўдыхаем

Свежы пах палёў.

Узмацнім жа да прыроды

Мы сваю любоў!

Тут навучыць нас прырода

Ў шчырай працы жыць.

Навакол зірніце ўважна –

Праца скрозь кіпіць.

Залатыя пчолкі ўюцца

I збіраюць мёд;

Песні жаўранкаў ліюцца –

Весел іх палёт.

Вунь схіліліся з прыветам

Сінія званкі;

У праменнях сонца ўюцца

Мушкі, матылькі.

Вось прыйшлі мы ў гай зялёны;

Праца ў ім кругом.

Вунь мурашкі за работай:

Свой будуюць дом...

Дык любіце ж вы прыроду,

Хараство яе:

Сэрца б’ецца тут шчасліва,

А душа пяе.

Комментарии (0)

Нет комментариев. Ваш будет первым!