Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Янка Журба - Дзяўчынка і кветкі

Кнопка отправить на печать

Кветачкі сінія,
Як май, прыгожыя

Вясной раджаліся,
Ў расе купаліся.

Усходзіць сонейка,
Заходзіць сонейка –

Пялёсткі сінія
Расою іскрацца.

Во пчолка звонкая
Хінецца к венчыку;

Ўвесь дзень праменісты
Збірае мёд яна.

Вось матылёк мільгнуў
Сняжынкай белаю;

Яму тут весела
У ззянні сонечным.

Прыйшла дзяўчынка ў луг,
Прыйшла маленькая,

Нарвала кветак шмат
Рукой рупліваю.

Яна спляла сабе
Вянок прыгожанькі,

Пайшла па полі з ім
З вясёлай песняю:

«Кветачкі сінія,
Як май, прыгожыя

Вясной раджаліся,
У расе купаліся...»

Комментарии (0)

Нет комментариев. Ваш будет первым!