Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Якуб Колас - Старыя дубы

Кнопка отправить на печать

Зноў я бачу, зноў вітаю,

Як паноў вяльможных,

Па-над Нёманам у гаю

Гурт дубоў разложных.


Сам не ведаю, чым мілы,

Чым вы сэрцу любы,

Выхаванцы веку, сілы,

Магутныя дубы.


Чымся мілым, чымся родным

Ад вас павявае,

Аж мне сэрца ў спеў лагодны

Штосьці ахінае.


Узварухнуцца думкі-песні,

Як вашы лісцінкі,

І зноў станеш напрадвесні

Жыццёвай пуцінкі.


Цешуся я, пазіраю

На вас, вежы-дрэвы,

Цьмяна сэрцам прачуваю

Вашы думкі-спевы.


Але шум я не той чую –

І вы парадзелі,

І вы не ўсе буру злую

Знеслі і здалелі.


Ой, асілкі ў ціхім гаю,

Дубы векавыя!

Я вітаю вас, вітаю,

Волаты любыя!


1912 г.

Комментарии (0)

Нет комментариев. Ваш будет первым!