Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Якуб Колас - Леў і воўк

Кнопка отправить на печать

   Хадзіў па лузе конь. З лесу выйшаў леў.
   – Я цар над усімі звярмі. Няма на свеце такога звера, каб не баяўся мяне, – кажа леў.
   – Я не веру, што ты самы дужшы звер на свеце, адказвае конь: праўда, ты маеш сілу, але ёсць звяры яшчэ дужшыя.
   – Дык ты не верыш?! Я пакажу табе сілу! – крыкнуў леў, наліўшы крывёю вочы. – Ці не хочаш ты паспрабаваць маю сілу?
   – Не крычы, леў, і не страш мяне. А сілы чаму не спрабаваць? Можаш ты так стукнуць нагою па камені, каб агонь з яго пасыпаўся?
   – А ты, ласьне, выбіваеш іскры с каменя нагамі?
   – А вось, глядзі!
   Падвёў конь льва пад камень. У каня на нагах былі сталёвыя падковы. Стукнуў конь капытом, цэлая куча іскраў пасыпалася з каменя.
   Страх апанаваў льва; бягом у лес!
   Убачыўшы воўка, кажа яму леў пра каня, пра яго сілу.
   – I ты яго збаяўся? Эх, а яшчэ царом нашым завешся! Пакажы мне толькі яго: у дзве мінуты капут яму.
   Леў узяў воўка у пярэднія лапы, сам стаў на заднія.
   – Пазірай!
   Льву здавалася, што ён памаленьку дзяржаў воўка, а ў таго трэснулі косці і дух выскачыў вон.
   – Ну, што, бачыш?
   – Нічога не бачу, – кажа воўк.
   – Што ж ты маўчыш?
   Апусціў леў воўка на зямлю, бачыць – воўк не дыхае.
   – Эх, ты! Толькі хвалішся. Глянуў і то самлеў, – і кінуў ён нежывога воўка на зямлю.


Крыніца: Другое чытанне для дзяцей беларусаў / напісаў Якуб Колас; пераглядзеў і прадмову прыпісаў Л. Сеўрук. – Пецярбурх [Пецярбург]: выдалі суполкі: "Загляне сонца і ў наша аконца" і "Наша хата", 1909 (вокладка 1910). – 110 с.

Комментарии (0)

Нет комментариев. Ваш будет первым!