Найти на сайте: параметры поиска

Увага!!! Невялія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by

 

 Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Эдуард Акулін - Газэля

Кнопка отправить на печать

Галінка бэзу, траўнем надламаная,
мая Каханая.
Ты лёсам мне, на пэўна, звыш наканаваная,
мая Каханая.
Дзе б я ні быў, вяртаюся хутчэй туды,

дзе мне павек адданая,

мая Каханая.
У слоту лістападаўскіх начэй са мной яна

і восень не падманная,

мая Каханая.
Над безданню даверлівых вачэй

мая маркота ў белы строй прыбраная,

мая Каханая.
І рэха вечаровае званчэй, калі шапчу

да зорак апантана я –

мая Каханая!
І смехам тваім поўніцца ручэй,

як ад мяне за далеч ты схаваная,

мая Каханая.
Лісцёвы водсвет ззяе залацей пад раніцу,

што разам прычаканая,

мая Каханая.
І сэрца спеліць кволую надзею –

па-за жыццём чужым табе не стану я,

мая Каханая.

Комментарии (0)

Нет комментариев. Ваш будет первым!