Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Эдзі Агняцвет - Саўка за сталом

Кнопка отправить на печать

Ляжаць ля талеркі відэлец і нож.
Дзве чыстыя лыжкі ляжаць.
– Ну і што ж?
Ляжаць – хай ляжаць, іх не буду чапаць.
Яны ж не чапаюць мяне і маўчаць.

З талеркі ён сёрбае крупнік – ой-ой!
Кавалачак мяса хапае рукой.
Ён пальцамі ловіць у шклянцы кампот,
Абрусам ён выцер і шчокі і рот.

Відэлец не ўцерпеў:
– За цэлы мой век
Мне трапіўся першы такі чалавек!
Ускочыла лыжка і ну рагатаць:
– Хі-хі, ха-ха-ха, ён дурненькі, відаць!

А нож узлаваўся і тупнуў нагой:
– Давайце паслужым мы справе другой!
Пакінем яго аднаго за сталом,
А самі запішамся ў ме-та-ла-лом!

Саскочылі разам яны са стала –
Ніякая сіла спыніць не магла.
Відэлец, і лыжка, і нож – ля дзвярэй.
Збянтэжыўся Саўка:
– Чакайце, э-гей!

А тыя ляцяць, азірнуцца не хочуць.
– Хі-хі, ха-ха-ха! – толькі лыжкі рагочуць.
Бяжыць недарэка з пустымі рукамі…
Чым скончыцца ўсё?

Вы прыдумайце самі.



1974 г.

Комментарии (0)

Нет комментариев. Ваш будет первым!