Чаго бяжыш, мужычок?
– Паганяе мароз.
Чаму ляжыш, мужычок?
– Бо урадніка вёз.
Чаго ты п'еш, мужычок?
– Бо і хлеба ня еў.
За што ты б'еш, мужычок?
– Бо і сам тое меў.
Нашто ты краў, мужычок?
– Бо свайго не пазнаў.
Чаму ты лгаў, мужычок?
– Бо хтось праўду украў.
Чаму чорны, мужычок?
– Бо у хаце курыць.
Не праворны, мужычок?
– Бо усякі журыць.
Чаму цёмны, мужычок?
– Бо пад цёмным сяджу.
Чаму бяздомны, мужычок?
– Бо чужога гляджу.
Чаму хіцёр, мужычок?
– Бо дурны, як варона.
Чаго умёр, мужычок?
– Уцякаў ад «закона»!
Похожие статьи:
В → Восеньскія песні
Ян Чачот → Ян Чачот - Песні і балады
П → Песня
В → Вясельныя песні
В → Валачобныя песні
