Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Нарысы і эсэ Уладзіміра Караткевіча

Кнопка отправить на печать

   З любоўю расказаў Уладзімір Караткевіч пра Беларусь, яе гісторыю, культуру, мову, літаратуру, фальклор і прыроду ў нарысе «Зямля пад белымі крыламі». Гэта своеасаблівая энцыклапедыя Беларусі, яе візітоўка. На самым пачатку прыгадаў бусла як сімвал Беларусі. Напісаў пра птушак як пра ахоўнікаў святой і чыстай роднай зямлі. Уладзімір Караткевіч ахапіў у нарысе беларускую гісторыю ад старажытных часоў да 70-х гг. ХХ ст. Арыгінальна і непаўторна выказаўся ён пра краявіды і асаблівасці розных рэгіёнаў Беларусі, пра нацыянальны характар беларуса, пра гістарычныя падзеі, пра славутых грамадскіх і культурных дзеячаў, пра гарады, пра помнікі гісторыі і культуры беларускага народа. У гэтым творы Уладзімір Караткевіч падаў вясельныя абрады і песні, прывёў шмат прыказак і прымавак, асабліва пра сямейныя адносіны. На прыкладзе творчасці Францыска Скарыны, Сымона Буднага, Васіля Цяпінскага, Сімяона Полацкага пісьменнік звярнуў увагу на даўнасць і багацце беларускай культуры. У гэтым творы выяўлена душа народа, які прайшоў праз шматлікія выпрабаванні і які жыве багатым паўнакроўным жыццём. Аўтар цікава, для таго часу смела і па новаму глянуў на гісторыю роднай зямлі і яе народа, узвялічыў і апаэтызаваў Беларусь.
   Эсэ «Гэта было 10 сакавіка 1864 года» прысвечана да 100-годдзя з дня смерці Кастуся Каліноўскага. Уладзімір Караткевіч паведамляе аб падзеях 1864 г. і пра Кастуся Каліноўскага, які быў вялікім чалавекам і кіраваў паўстаннем на Беларусі. Ён аддаў сваё жыццё каб ніхто не асмельваўся называць рабом простага чалавека і крыўдзіць яго, каб не плакалі з голаду дзеці, каб не было прыгону і гвалту, каб квітнела вольнае слова, каб не было няроўнасці.
   У эсэ «Сын Беларусі, сын Прагі» і «Подзвіг Скарыны» Уладзімір Караткевіч уславіў значэнне дзейнасці Францыска Скарыны, вялікім беларускім першадрукары, асветніку, вучоным, мастаку. Ён піша, што «Першы крок твой і твайго грамадства да святла – Кніга, асвета, пісьменнасць. Астатняе прыйдзе з часам…». Мы павінны ганарыцца, што Францыск Скарына, сын купца з Полацка, – беларус. Жыцця не хопіць на тое, што задумаў Францыск Скарына. Родны сын Беларусі і прыёмны сын Прагі, усё жыццё ён бараніў людзей ад духоўнай і фізічнай смерці. Ніхто не ведае дзе ён пахаваны і таму магілай яго прынята лічыць Прагу.

Комментарии (0)

Нет комментариев. Ваш будет первым!