Пад штандар бел-чырвона-белы
Гартуйся, раць, адважна, смела
Адважных, храбрых ваякоў!
І ўспомняцца старых вякоў
Паходы мужныя у славе,
Часы Альгерда, Ізяслава,
Грунвальдскі з немцам бой!
І боек даўні цяг з Масквой!
Пад знак Літоўскае Пагоні -
Абараняць краіны гоні,
Народ забраны вызваляць,
Ісці к святлу, святлом палаць -
Спяшайся той, хто к волі рвецца,
Ў кім беларуса сэрца б'ецца!
Збірайцесь - ўсе, як бы адзін, -
Арлы радзімых пушч, нізін!
Не плач, не плач па сыну, маці, -
Сягоння сорам быць у хаце,
Бо ўзнят за волю грозны меч,
Бо хутка будзе злая сеч,
Няхай і ён, юнак адважны,
Ідзе туды, дзе б'ецца кажны
За волю новую без слёз,
За лепшы Бацькаўшчыны лёс.
Пад штандар кожны здатны, гожы,
Досць нас наезнікам варожым
Трымаць ў прыгоне, беднаце,
Смяяцца нашай цемнаце,
Багацце краю нішчыць, пляжыць -
Чужынцу годзе намі княжыць
І карыстацца з нашых плеч!..
Мы к волі йдзем - з дарогі прэч!..
(1920)
Похожие статьи:
Аркадзь Куляшоў → Сцяг брыгады. Ідэйны змест, мастацкія асаблівасці
Алесь Салавей → Алесь Салавей - Трыялет
Аркадзь Куляшоў → Аркадзь Куляшоў - Сцяг брыгады
Пераказы, дыктанты → Дзяржаўны сцяг Рэспублікі Беларусь
Пераказы, дыктанты → Свяшчэнныя атрыбуты дзяржавы
