Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Уладзімір Дубоўка - Мой любы браце, блізкі і далёкі...

Кнопка отправить на печать

Мой любы браце, блізкі і далёкі,
няма сталёвасці і арфазвоннасці.
Такая сцюжа на душы, навокал,
як дзень з дажджамі, быццам сённяшні.

Ці ж я не ведаю, ці я не знаю,
ці я не сын сваёй сучаснасці, –
жыццё крынічыць і музыкі граюць,
на лад папасці ўсё не шчасціцца.

Часінай – весела, часінай – сумна,
ідуць шляхі – ў балотах трацяцца.
А недзе злоснікі бразгочуць бубнамі...
Даруй, даруй, мой любы браце, мне...

1925