Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Пятрусь Броўка - Песня хлебу

Кнопка отправить на печать

Радуюць сэрца
Збожжа і травы.
Дзень мой праменны,
Дзень мой ласкавы.

Водар хваёвы,
Сіняе неба.
Кожнае ранне
Рады я хлебу.

Рады я ўсходам
Веснімі днямі
I як гамоніць
Ён каласамі.

Рады – увосень
Спорыцца дбайна –
Медным ручайкам,
Што з-пад камбайна.

Большай не маю
Сёння патрэбы –
Кожнае ранне
Рады я хлебу.
 
Хлеб праз вітрыны
Кожнага кліча,
Сам на паліцы
Сеўшы як быццам.

Ах, як прывабна
Ён выглядае…
Я перад хлебам
Шапку здымаю.

Як нагляжуся,
Дык прыгадаю
Поле без краю
Кожнага краю;

Тых, хто на полі
З лецейка ў лета…
Дзякуй ім, родным,
Дзякуй за гэта!

З імі не ведаць
Гора-загубы,
Жыць мне цікава,
Жыць мне і люба!

Комментарии (0)

Нет комментариев. Ваш будет первым!