Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Пятрусь Броўка - Блуканне ў лесе

Кнопка отправить на печать

А завялі мяне – я помню –
У непралазныя куткі,
У лесе – рыжыкі, лісічкі,
А больш за ўсё баравікі.
Не ўгледзеў – вечар надыходзіў...
Хачу дахаты – хмыз кругом!
Ах, як тады пералякаўся...
Вядома,

   быў я хлапчуком.

Налева рушу – мох, імшары,
Назад – калючыя кусты,
Памкнуўся управа –

багавінне,

Пайду наперад – балаты.
Ані прагалінкі, ні сцежкі,
Адкуль узяўся –

   буралом.

I чортам вывараць здаецца,
А пень замшэлы –

лесуном.

Скажу папраўдзе –

калаціўся,

Ажно кружыла галава,
Ды хоць бы гук які знаёмы,
Адно –

кугакала сава.

Хадзіў,

блукаў я да паўночы,

I калі ледзь не збіўся з ног,
Пачуў рыканне я каровы...
Ах, як усцешыла яно!
Па ім тады

   прыйшоў дахаты.

Дасюль у памяці жыве –
Бо калі зноў яго пачую,
Здаецца –

   хтось дамоў заве.

 


Крыніца: Броўка П. Збор твораў: У 9 т. Т. 4. Вершы, паэма 1965-1972. – Мн.: Маст. літ., 1989. – 591 с.

Комментарии (0)

Нет комментариев. Ваш будет первым!