Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Ніл Гілевіч - Калі рана ўстанеш...

Кнопка отправить на печать

Калі рана ўстанеш –
Разам а сонцам зыркім,
Што ўсплыве над зыбкім
Вогнішчам зары, –
Колькі ты пабачыш
З’яў жыцця дзівосных,
Колькі цудаў розных
Згледзіш на двары!

Калі рана ўстанеш –
Разам з ветрам буйным,
Што абудзіць струны
Неба, дрэў, травы, –
Колькі ты пачуеш
Гукаў-зыкаў дзіўных,
Звонаў пераліўных,
Спеваў харавых!

Калі рана ўстанеш –
Разам з першай птушкай,
Што шукае тут жа
Для дзяцей яды, –
Колькі ты паспееш
Памагчы слабейшым,
Падтрымаць, суцешыць,
Выручыць з бяды!

Калі рана ўстанеш –
Разам з мамай, татам
Ды за справу-працу
Возьмешся хутчэй, –
Колькі ты пазнаеш
Радасці нясцерпнай –
Аж да песні з сэрца,
Аж да слёз з вачэй!

Калі рана ўстанеш –
Разам з сонцам яркім,
Разам з ветрам шпаркім,
Разам з белым днём, –
Сам тады, мой дружа,
Разумець ты будзеш,
Для чаго мы, людзі,
На зямлі жывём.

Комментарии (0)

Нет комментариев. Ваш будет первым!