Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Творчасць Міхася Стральцова

Кнопка отправить на печать

   Міхась Стральцоў — з таго пакалення, якое потым будуць называць "пакаленнем бязбацькавічаў" ці "пакаленнем, абпаленым вайной". Творы яго — гэта ўражанні ваеннага дзяцінства, расказаныя шчыра, даверліва, з мяккай пяшчотай і светлым сумам. "Там шмат свайго, біяграфічнага", — скажа пазней М. Стральцоў.
   Міхась Стральцоў нарадзіўся і вырас у вёсцы. Менавіта дзіцячыя гады вызначылі змест яго творчасці, як і многіх тых пісьменнікаў, дзяцінства і юнацтва якіх прыпалі на Вялікую Айчынную вайну. Галоўнай тэмай яго творчасці стала тэма духоўнага сталення таго пакалення, якое рана стала дарослым, перажыло смерць блізкіх і родных, пасляваенны голад, навучылася пераадольваць цяжкасці, цаніць жыццё, захоўваць памяць пра мінулае. Адной з важных тэм апавяданняў Міхася Стральцова з'яўляецца тэма духоўнай лучнасці паміж горадам і вёскай, сувязі вясковых каранёў і гарадскога прагрэсу. Герой яго твораў — малады чалавек, былы вясковец, які ўжываецца ў гарадскую стыхію, імкнецца пазнаць сэнс жыцця, шукае магчымасць прымірыць вясковы і гарадскі ўклад, знайсці нейкую гармонію таго і другога на аснове векавых народных традыцый. У многіх апавяданнях гучыць голас аўтара — сына вёскі, які імкнецца да сваіх вытокаў, каранёў, якому дорага ўсё, што звязана з дзяцінствам, з роднымі мясцінамі, з вясковым укладам жыцця. Многія апавяданні М. Стральцова напісаны ў форме ўнутранага маналога ці самога аўтара, ці яго герояў, якім ён перадавярае свае думкі. Гэтыя маналогі вельмі блізкія да лірыкі, таму проза Стральцова — гэта лірычная проза, якая вызначаецца павышанай эмацыянальнасцю герояў і аўтара, маналагічнай спавядальнасцю, вобразнасцю.
   Істотнай асаблівасцю твораў Міхася Стральцова з'яўляецца лірызм. Апавяданні не толькі знаёмяць чытача з падзеямі жыцця, але і дазваляюць яму стаць сведкам унутранай псіхалагічнай дзейнасці персанажаў; іх пачуццяў і перажыванняў. Гэта можна здзяйсняцца праз унутраны маналог пры поўнай адсутнасці аўтарскага "ўмяшання" ў думкі персанажа. Унутраны маналог у літаратурным творы — прамова героя, звернутая да самога сябе, якая служыць для найбольш поўнага паказу і раскрыцця яго ўнутранага свету. Часта ў такіх творах сюжэт не цэласны, а эпізадычныя сцэны і падзеі "працуюць" на раскрыццё пачуццяў, перажыванняў, думак, настрою герояў і апавядальніка ва ўсёй іх натуральнасці і непасрэднасці. Гэтымі асаблівасцямі лірычная проза адрозніваецца ад эпічнай. Акрамя Міхася Стральцова лірычную прозу пісалі Іван Чыгрынаў, Іван Навуменка, Віктар Карамазаў і іншыя беларускія пісьменнікі.

Комментарии (0)

Нет комментариев. Ваш будет первым!