Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Максім Танк - Дуб

Кнопка отправить на печать

З Белавежскай пушчы-хаты
Выпраўляў дуб расахаты
Маладых сыноў –
Слаўных жалудоў.

Выпраўляў іх у дарогу
Ураджаю на падмогу,
I ў шчаслівы час
Ім даваў наказ –

Як расці, укараняцца,
З сухавеямі змагацца,
Як ім не даваць
Нівы спапяляць.

Год за годам прамінае.
Звестак дуб стары чакае
З дальніх ніў, палёў
Ад сваіх сыноў.

Думаў нат: хаця б якое
Насланнё ліхое, злое
Не згубіла іх,
Родных, дарагіх.

Аж глядзіць, аднойчы рана
Гоніць вецер ад лімана,
Ад Дняпра здалёк
Малады лісток.

Праз асеннія туманы
Ліст другі, аж з Казахстана
Да яго ляціць,
Золатам звініць.

Дуб пазнаў іх, сустракае,
Шумам радасным вітае
Слаўных пасланцоў
Ад сваіх сыноў.

Ад сыноў-дубоў магутных,
Шум якіх старому чутны
Рана на зары
Ў векавым бары.

Комментарии (0)

Нет комментариев. Ваш будет первым!