Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Кандрат Крапіва - Ганарысты парсюк

Кнопка отправить на печать

Бывае, праўда вочы коле...
Раз гнаў пастух свіней у поле.

Адзін вялізарны Парсюк,
Які абегаў вёску ўсю,

За раніцу абшнырыў завуголле,
Цяпер такі меў выгляд важны,
Што носа не дастаць і сажнем –
Вышэй за ўсіх ён сам сябе лічыў,

А што ў самога на лычы,
Не бачыў гэтага, аднак.
І вось адзін тут Падсвінак,
Які заўважыў бруд раней,

І кажа: – Дзядзечка, твой лыч у брудзе!
Нязграбна гэта й між свіней,

А што ж, калі заўважаць людзі?

Парсюк наставіў хіб, Парсюк раз’юшан:
– Цераз цябе я чырванець прымушан!
Такое мне сказаць асмеляцца нямногія,

Дык гэта ж – дэмагогія! –

Парсюк наш лаецца – не дараваць клянецца:
– І месца мокрага, – крычыць, – не застанецца!

Ты мой свінячы гонар закрануў! –
І так ён Падсвінака грызянуў,
Што той за сажняў пяць адскочыў.

Парсюк не надта быў ахвочы
Глядзецца праўдзе ў вочы.

 


Адказы на пытанні:
   1. У паводзінах Парсюка выклікае смех той факт, што Парсюк лічыў сябе лепей за ўсіх, не зважаючы на тое, што ў яго было на лычы брудна. Тактоўная заўвага яго раззлавала, бо ён не хацеў чуць праўды пра сябе. Фанабэрысты і самалюбівы, ён "задзіраў лыч" і зневажаў астатніх.
   2. Зазнайства, самалюбства, высакамерныя адносіны да навакольных – вось галоўныя рысы яго характару. Асабліва гучыць фраза
– I месца мокрага, – крычыць, – не застанецца!
Ты мой свінячы гонар закрануў! –

   3. Пад вобразам Парсюка маецца на ўвазе самалюбівыя, высакамерныя людзі, якія апроч сябе нікога не заўважаюць, эгаісты, зазнайкі. У вобразе Падсвінка ўвасоблены тыя, хто могуць сказаць чалавеку ў твор пра яго стан, а не весці ліслівыя размовы.

   4. Крылатыя выразы байкі, блізкія да народных прыказак і прымавак:


Бывае, праўда вочы коле…

Парсюк не надта быў ахвочы
Глядзецца праўдзе ў вочы.


(непрыемна многім людзям ведаць праўду пра сябе)


Цяпер такі меў выгляд важны,
Што носа не дастаць і сажнем.


(ганарлівы, непрыемны чалавек)


– I месца мокрага, – крычыць, – не застанецца!


(пагроза, перабольшанне)

   5. Байка падзяляецца на дзве часткі. Першая частка – гісторыя пра Парсюка і Падсвінка, тут ёсць дыялогі, вельмі адметная мова галоўных герояў з ужываннем спецыфічных слоў, якія ствараюць камічны эфект: "дэмагогія", "свінячы гонар" і г. д. У другой частцы гучыць мараль гісторыі, дарэчы, першы сказ байкі таксама можна аднесці да маралі, атрымоўваецца байка, як бы закальцавана ў кола маралі.
   6. Дыялог у байцы "Ганарысты парсюк" адыгрывае важную ролю. Дзякуючы яму мы можам даведацца пра характар Парсюка і Падсвінка, праз іх размову таксама ствараецца камічны эфект твора.

Комментарии (0)

Нет комментариев. Ваш будет первым!