Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Генадзь Бураўкін - Дыялог з мурашом

Кнопка отправить на печать

З вялізнай жоўтай саломінай –
Падгіналіся ногі аж –
Поўз па галінцы зломленай
Лупаты, лабаты мураш.

Спыніўся, каб дых перавесці.
I я падышоў да яго.
– Слухай, – кажу, – урэшце
Рвешся ты так чаго?

Ты ж ад работы чорны.
Аддыхайся, не спяшы.
Праўду пішуць вучоныя –
Дзіўныя вы, мурашы…

Ён сеў ля саломіны чынна –
Пот блішчыць на ілбе:
– Вам памагаюць машыны.
А мы ж усё – на сабе.

У вас і лазер, і атам,
I краны, і трактары.
А ў нас –
Шэсць лап слабаватых
Ды цёплае сонца ўгары.

У нас трэба ўсё самому.
На ўласным сваім плячы
Колькі цяжкіх саломін
Трэба прывалачы!

Выспацца нават некалі:
Лёг, а ўжо трэба ўставаць…
Паслухай,
Будзь чалавекам –
Не перашкаджай працаваць!..

Комментарии (0)

Нет комментариев. Ваш будет первым!