Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by ці на сайце oz.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Васіль Зуёнак - Каласок

Кнопка отправить на печать

Каласок, каласок –
Поля жніўнага званок, –
Абвясціць спяшае:
Ніва даспявае!

З каласка зярняткі,
Нібы дзеці з хаткі,
Дружна выглядаюць –
Весела гукаюць:

– Гэй, каму пірагі,
А каму пячэнне,
Ды блінцоў кругі
З сонечным свячэннем,

Булкі-смакатушкі.
Ды з начыннем плюшкі,
Абаранкаў маток,
Ды аладак гурток,

А каму да густу –
З мёдам хлеба лусту?!. –
Тут у нас усё расце –
I для вас, і для гасцей!..

Вось такі каласок,
I такі галасок:
Так усіх вітае
З новым ураджаем.

Комментарии (0)

Нет комментариев. Ваш будет первым!