Васіль Вітка - Беларусь

На карце вялікага свету
Яна – як зялёны лісток,
Сасмяглая песня лета,
Жывое вады глыток,

Адвечная калыханка,
Душы запаветны куток.
Трапеча гарачым ранкам
На дрэве нястомны лісток,

А ў навальніцу б'ецца,
Нябачны паміж лісця,
Як роднае матчына сэрца,
Што мне даражэй жыцця.

Похожие статьи:

Васіль Вітка → Васіль Вітка - Трывога ў Ельнічах

Васіль Вітка → Васіль Вітка - Слова

Васіль Вітка → Васіль Вітка - Генерал верабей

Васіль Вітка → Васіль Вітка - Ружа і штык

Биографии → Васіль Вітка