Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Аркадзь Куляшоў - Прыгоды цымбал

Кнопка отправить на печать

   Своеасаблівае мастацкае адлюстраванне падзеі вайны знайшлі ў паэме Аркадзя Куляшова «Прыгоды цымбал» (1944). Пераклікаючыся з паэмай «Сцяг брыгады», яна развівае намечаны там матыў абяздоленага дзяцінства і сваім агульным патрыятычным пафасам сцвярджае непераможнасць народа, выкрывае нікчэмную сутнасць прыстасавальніцтва і маральнай няўстойлівасці.
   Паралельна з гэтым праз усю ідэйна-вобразную тканіну твора праходзіць думка аб неадольнасці народнага мастацтва, якое, будучы духоўнай скарбніцай народа, з'яўляецца дзейсным сродкам ідэалагічнай барацьбы.
   Сімвалічныя сцэны (вандраванні цымбалаў «па небе», выратаванне дзяцей, сустрэча з партызанам Кузьмой і інш.) чаргуюцца з бытавымі і рэалістычнымі малюнкамі, што прыдае паэме фальклорна-рамантычны каларыт. У рытміцы верша, выключна разнастайнай і багатай, адчуваюцца мілагучныя пералівы народных беларускіх песень. Вершы і паэмы Аркадзя Куляшова ваеннага часу яскрава адлюстравалі адзін з найбольш гераічных і адказных этапаў у гісторыі савецкага народа.
   Яны і сёння выхоўваюць нашых людзей у духу любві і адданасці Радзіме, натхняюць на новыя подзвігі ў імя шчасця і міру на зямлі.

Комментарии (0)

Нет комментариев. Ваш будет первым!