Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Аркадзь Куляшоў - Грозная пушча

Кнопка отправить на печать

   Імкненнем перадаць «эстафету пакаленняў» прасякнута апошняя паэма Аркадзя Куляшова «Грозная пушча» (1950). Яна прысвечана тэме ўз'яднання беларускага народа ў адзінай сацыялістычнай дзяржаве. Героіка рэвалюцыйнай барацьбы ва ўмовах Заходняй Беларусі спалучаецца з рамантыкай юнацтва і непасрэдна звязваецца са шляхамі фарміравання тых патрыятычных рыс характару, якія бліскуча праявіліся ў незабыўныя гады Айчыннай вайны. У гэтым сэнсе «Грозная пушча», як паэтычная хроніка 30-х гадоў, пераклікаецца з творчасцю Аркадзя Куляшова ваеннай пары.
   Гісторыя своеасаблівых «блуканняў на пакутах» герояў твора ва ўмовах белапольскай акупацыі, іх самаадданая барацьба ў радах народных паўстанцаў, гартаванне волі і характару падаюцца на шырокім грамадска-палітычным фоне. Бунт парабкаў у маёнтку пана Даўбніцкага, барацьба партызанскага атрада Будзёнаўца, подзвіг Цімоха Прыгароўскага (знішчэнне правакатара на судзе), нарэшце, магутнае яднанне прагрэсіўных сіл даваеннай Польшчы ў абарону асуджанага на смерць народнага героя — усё гэта яскравыя і шматзначныя праявы вызваленчай барацьбы.
   За імі выразна адчуваецца нарастанне рэвалюцыйна-вызваленчых настрояў мае не толькі ў Заходняй Беларусі, але і ва ўсіх прыгнечаных капіталам краінах. Паэт адкрыта выступае супраць граніцы, «што свет раздзяляе», ён славіць дружбу і братэрства паміж усімі свабодалюбівымі народам!.
   Паэма «Грозная пушча» захапляе сваёй жыццёвай змястоўнасцю, глыбокім гуманізмам, уменнем аўтара пранікнуць у складаны свет чалавечых пачуццяў і настрояў. Яна прасякнута верай у шчаслівую будучыню ўсяго чалавецтва, у перамогу дабра і справядлівасці:

 

Прыйдзе час дарагі, прыйдзе дзень той, калі
Людзі згоняць з планеты пракляцце начы.

Верны друг, дружбы плуг, для дабра аручы,
На свабоднай, вялікай сваёй паласе
Заарэ межы ўсе, заарэ межы усе!

Комментарии (0)

Нет комментариев. Ваш будет первым!