Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Алесь Гарун - Жыццё

Кнопка отправить на печать

Жыве спакойна вол пад тым ярмом сваім,
Намуляў карак. Мазолі, скрозь мазолі!
Падкінуць сена жмут – яму й таго даволі.
I лёс мізэрны свой не назаве благім.

Цярпліва зносіць ён нявыгады жыцця:
Няхай яго часамі злаюць ліха,
Хай свішча страшны біч, – пакорліва і ціха
Ідзе разораю. Кіруе ім дзіця.

Жыві ж спакойна, вол, хадзі ў сваім ярме,
Цягай плугі і лій свой пот на пана,
Хаця не ведаеш, якая рэч пашана.
Нашто яна табе? Сляпому добра ў цьме,
Лягчэй ісці яму дарогаю жабрачай...

A ты – жывёлаў цар? Ці ж ты жывеш іначай?!



   1. Аўтар выкарыстоўвае ў вершы алегорыю дзеля таго, каб паказаць паднявольны лёс жывёлы і чалавека. Пашана (воля) не патрэбна рабскаму чалавеку.
   2. Верш, як і байка, мае першую частку, у якой ствараецца выразны «партрэт» вала, што ходзіць пад ярмом, і другую – зварот да цара звяроў – чалавека. Другая частка, як мараль у байцы, зусім невялічкая, займае ўсяго адзін вершаваны радок:

А ты, жывёлаў цар? Ці ж ты жывеш іначай?!

Комментарии (0)

Нет комментариев. Ваш будет первым!