Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Алесь Гарун - Брацця! Досыць цярпець нам і гнуцца...

Кнопка отправить на печать

Брацця! Досыць цярпець нам і гнуцца, −
Беднасць і голад ліхой прамінуцца;
Устанем зараз мы за шчасце, за волю, −
За лепшую, светлую, вольную волю.

Гляньце – свет божы кругом так багаты:
Дзе ты абернешся – муры, палаты;
Золата свеціцца, сонцам гуляе;
Хлеба,адзежы на свеце хватае.

Многа працуюць і знаюць навукі,
Каб зменшыць цяжолыя людскія мукі;
I усё ж няма шчасця, і ўсё ж няма долі,
I век мы працуем, гаруем у няволі.

Чаму ж гэта, брацця? Адкуль гэты мукі?..
Дзе гэты хлеб, палацы, навукі?
Дзе гэта шчасце?.. Яго ўкралі
Тыя, што пот наш на золата гналі.

Ўсё, што здабылі потам і кроўю,
Што мы рабілі з прымусу, з любоўю, −
Ўсё гэта, братцы, зладзеі забралі,
Тыя, што нашых бацькоў катавалі.

Гляньце кругом яшчэ раз: па астрогах,
Вёсках, дварох, гарадох і дарогах
Беднага люду колькі страдае,
Ў жыцці прасвету, ні шчасця не мае.

I зноў жа я крыкну ўсім, што бядуюць:
Брацця! Доўга ўжо нас рабуюць...
Мы доўга аб гэтым нічога не зналі;
Доўга цярпелі мы, доўга маўчалі.

Пара перастаць ужо нам, браткі, маўчаці
I толькі паціху ў няволі ўздыхаці.
Трэба падняцца нам сільнаю сілай;
Трэба пакончыць з жыццем-магілай.

Трэба разбурыць свет гэты пракляты –
Мястэчкі, двары, гарады і палаты;
Больш не давацца сябе абкрадаці,
А ўсё, што ёсць наша, сабе адабраці.

Нашыя гадыне будуць давацца;
Пашлюць салдатаў за дабро сваё драцца,
Збяруць усе сілы, каб нас перамоч, −
Мы дружнаўсе ўстанем, і кончыцца ноч.

Потым мы свет па-свойму пастроім
I жыцце ў корнях яго перакроім;
Багацтва ўсе света будуць народа, −
I будзе ў нас шчасце, спакой і свабода...

1907

Комментарии (0)

Нет комментариев. Ваш будет первым!