Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Пры выкарыстанні матэрыялаў сайта спасылка на karotkizmest.by абавязкова

Набыць беларускія кнігі можна на сайтах prastora.by і knihi.by.

Электронныя версіі беларускіх кніг на сайце kniharnia.by, для дзетак chitaemdetyam.com

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Адам Гурыновіч - Што ты спіш, мужычок...

Кнопка отправить на печать

Што ты спіш, мужычок,
Заплюшчыўшы вочы?
Забаліць табе бок
Спаць ад ночы к ночы!

Агляніся на свет,
Падымі галоўку,
Ды што ёсць, чаго нет
Паслухай жа моўку:

Глянь! іны мужыкі
Уставаць пачалі.
Што я? хто за такі? −
Раздумываць сталі:

Ці я звер? ці я птах?..
Ці яка скаціна?
Ці здаецца ж мне так,
Што людска дзяціна?

Я не пан!., мусіць, хам!..
А звалі − псяюхай;
Ды казалі: Бог сам
Казаў: "Пана слухай".

Мужык слухаў яго
Ад веку да веку,
I дажыўся таго,
Што папаў ў апеку.

А цар……………
Сказаў так са злосці:
"Што даць маюць ўрагі,
Я дам − як з мілосці".

Запяяў наш мужык
Песеньку вясёлу:
"Цяпер сяду, як бык,
З панамі да столу".

A i кожан быў рад,
Даждаўшыся волі:
"Як зрабіў такі лад,
Зробіць ён і болей".

A i ждуць − не даждуць
Ад цара нічога,
Ці не здумаў надуць
Мужыка дурнога?

...Бо хоць волю нам даў −
Розуму ні крошкі;
Ісці жыць прыказаў,
Не відзя дарожкі.

Хаця скрозь настаўляў
Вучылішч, дзе вёска,
"Букі-аз" − наказаў
Навучаць бярозкай.

А раднога слаўца
Ніхто і не чуе,
Толькі так малайца
Саўсім ён сапсуе,

Ды навучыць рабят
Лаяцца па-руску:
"Сукин сын, я тебя
Засажу в кутузку!"

"Сукин сын" ці "psia mać"
Абое рабое,
Ці ж не маюць нам даць
Што-кольвек другое? 

Комментарии (0)

Нет комментариев. Ваш будет первым!